Sport24.az
"Lids" "Liverpul"un yarımmüdafiəçisi Harvi Elliottun transferi ilə bağlı ümidverici siqnal alıb. Sport24.az xəbər verir ki, bu barədə "Football Insider" məlumat yayıb.
Mənbənin sözlərinə görə, hazırda icarə əsasında "Valensiya"da çıxış edən 23 yaşlı ingilis futbolçu gözləntiləri doğralda bilmədiyi üçün, ispanlar onu 2027-ci ilin yanvarında "Liverpul"a geri qaytarmağa hazırlaşır. Belə ki, o, indiyədək heç bir oyuna start heyətində başlamayıb, sonuncu qarşılaşmada isə meydandan qovulub.
"Liverpul"un Elliott ilə bağlı planları yoxdur. Baş məşqçi Andoni Iraola onu komandasında görmür. Oyunçu ilə müqavilə 2028-ci ilə qədər qüvvədə olduğundan, klub onun transferindən gəlir əldə etməyə çalışır. Futbolçunun özü isə yenidən icarəyə getməkdənsə, başqa bir Premyer Liqa klubuna daimi keçid etməyə üstünlük verir.
Qeyd edək ki, "Lids" bir müddətdir ki, Elliottu izləyir və onu "qış transfer pəncərəsi"ndə transfer etmək istəyir.
"Transfermarkt" oyunçunu 18 milyon avro dəyərində qiymətləndirir.
