Sport24.az
Bu gün Azərbaycan Premyer Liqasında V tura start veriləcək. Sport24.az xəbər verir ki, milli komandaların oyunları ilə əlaqədar çempionatda yaranacaq ilk "böyük tənəffüs"dən öncə baş tutacaq turin ilk günündə iki matç keçiriləcək.
Lider "Turan Tovuz" "doğma divarlar" arasında "Səbail"i qəbul edir. Kurban Berdıyevin komandası uğurlu seriyanı davam etdirmək, aktivinə növbəti 3 xalı yazdırmaqla zirvədə möhkəmlənmək istəyir. Paytaxt təmsilçisi isə səfərdən qənaətbəxş nəticə ilə dönməyi düşünür. "Dənizçilər" "boz qurdlar"la qarşılaşmadan bir xal götürsə belə bunu Şahin Diniyevin komandasının aktivinə yazmaq mümkündü.
Qeyd edək ki, Tovuz şəhər stadionunda baş tutacaq qarşılaşmanın start fiti 17:45 səslənəcək.
Misli Premyer Liqası
I dövrə, V tur
17:45. "Turan Tovuz" - "Səbail"
Hakimlər: Rəşad Əhmədov, Rəhman İmami, Cəmil Quliyev, Rəvan Həmzəzadə
VAR: Elçin Məsiyev
AVAR: Asiman Əzizli
Hakim-inspektor: Asim Xudiyev
AFFA nümayəndəsi: Asif Əliyev
Tovuz. Şəhər stadionu
