Sport24.az
"Strasburq"un baş məşqçisi Liam Rosenior artıq Londona gəlib və bu həftə "Çelsi" ilə müqavilə bağlayacağı gözlənilir. Sport24.az xəbər verir ki, bu barədə insayder Fabrisio Romano sosial şəbəkə hesabında paylaşım edib.
İngilis mütəxəssis məşqçilik karyerasına 2018-ci ildə "Brayton"un gənclər komandasında köməkçi kimi başlayıb, daha sonra "Derbi Kaunti"nin məşqçilər korpusunda çalışıb.
2022-ci ildən 2024-cü ilə qədər Rosenior "Hall Siti"nin baş məşqçisi olub.
Qeyd edək ki, Roseniorun rəhbərliyi altında "Strasburq" 17 oyundan sonra 24 xalla hazırda Fransa çempionatında yeddinci yerdədir. "Çelsi" isə yanvarın ilk günündə çalışdırıcısı Enso Mareska ilə yolları ayırıb.
