Lent.az
"Barselona"nın hücumçusu Robert Levandovski 2026-cı ilin yayında karyerasını bitirə bilər.
Lent.az xəbər verir ki, 37 yaşlı polşalı futbolçu Kataloniya klubunda qalmaq istəyir. Əgər "Barselona" hücumçu ilə 2026-cı ilin yayında başa çatacaq müqaviləni uzatmaq qərarına gəlməsə və digər təkliflər onu qane etməsə, Levandovski karyerasını bitirməyə hazırdır.
Levandovski 2022-ci ilin yayından "Barselona" klubunda çıxış edir. Cari mövsümdə o, bütün turnirlərdə 12 oyunda iştirak edib və 7 qol vurub. Daha əvvəl hücumçu "Bavariya", Dortmundun "Borussiya" və Polşanın "Lex" komandalarında oynayıb.
