Idman.biz
"Barselona"nın 37 yaşlı hücumçusu Robert Levandovskini təmsil edən agent Pini Zahavi müştərisinin Kataloniya klubundakı gələcəyi ilə bağlı danışıb.
İdman.Biz-n xəbərinə görə, daha əvvəl KİV-lər "Barselona"nın polşalı oyunçunun 2026-cı ilin yayında başa çatacaq müqaviləsini yeniləməyəcəyi barədə məlumat vermişdilər.
"Levandovskinin "Barselona" ilə müqaviləsi 2026-cı ilin yayında başa çatır və hələlik heç bir qərar verilməyib. Gözləyək, görək yaxın günlərdə nə baş verir.
Səudiyyə Ərəbistanı klublarından təkliflər? Xeyr, Səudiyyə Ərəbistanından olan komandalarla rəsmi danışıqlar aparılmayıb. Hazırda heç bir təklif yoxdur", - Zahavi deyib.
Levandovski 2022-ci ilin iyul ayından "Barselona"da çıxış edir. Bu mövsüm hücumçu bütün turnirlərdə 9 matçda meydana çıxıb və 4 qol vurub. Transfermarkt-ın məlumatına görə, onun bazar dəyəri 10 milyon avrodur.
