Idman.biz
Hücumçu Robert Levandovski "Barselona"nın "Sevilya"ya 4:1 hesablı ağır məğlubiyyətini şərh edib.
İdman.biz bildirir ki, oyunda Levandovski penaltini vura bilməyib.
"Bazar günü olan oyun kimi matçlar olur. Bu, futbolun bir hissəsidir. İşlər həmişə istədiyimiz kimi getmir. Qaçırılan penaltilər isə bu idmanın ayrılmaz hissəsidir. İndi baş verənlər məyusedicidir, lakin biz müsbət cavab verəcəyimizə ümid edirik", - Levandovski deyib.
"Bu məyusluğu unutmaq istəyimiz var, amma biz bunu meydanda göstərməliyik", - 37 yaşlı hücumçu əlavə edib.
Dortmund "Borussiya"sının və "Bavariya"nın keçmiş oyunçusunun diqqəti indi Litva ilə 2026-cı il dünya çempionatının seçmə mərhələsinin vacib oyununu keçirəcək Polşa millisinə yönəlib.
