Sport24.az
"Barselona"nın polşalı hücumçusu Robert Levandovski gələcəyi haqqında danışıb. Sport24.az xəbər verir ki, o, Səudiyyə Ərəbistanı təmsilçilərindən təkliflər gəlməsinə baxmayaraq, hələlik klubdan ayrılmaq fikrində olmadığını bildirib:
"Mənim artıq 37 yaşım var və bundan utanmıram. Mən olmaq istədiyim yerdəyəm və məqsədim yaşın sadəcə bir rəqəm olduğunu sübut etməkdir. Bir neçə il əvvəl qazandığım uğurları indi də qazana bilirəm.
Oynamağa davam etmək üçün böyük arzum var. Məşqlərdə, matçlarda üzümdə həmişə təbəssüm olur. Mən yarışmaq və yeni kuboklar qazanmaq istəyirəm.
"Barselona"da özümü əla hiss edirəm. Mən burada xoşbəxtəm və oynaya biləcəyim başqa klubları düşünmürəm".
Qeyd edək ki, Levandovski 2022-ci ilin yayından Kataloniya təmsilçisinin formasını geyinir.
