Lent.az
Əvvəllər Dortmund "Borussiya"sı və "Bavariya"da oynamış "Barselona"nın hücumçusu Robert Levandovski Yurgen Kloppun karyerasında oynadığı xüsusi rolu qeyd edib.
"Hər məşqçi mənə nəsə öyrədib: Kloppdan tutmuş Qvardiola, Ançelotti, Haynkes, Naqelsmann və Flikə qədər, həm "Bavariya", həm də "Barselona"da. Mənə öyrətmək asandır", - Lent.az-ın xarici mediaya istinadla xəbərinə görə, polşalı futbolçu söyləyib.
Levandoskinin sözlərinə görə, Yurgen Klopp ona düzgün düşüncə tərzi aşılayıb: "Məni ən çox danlayan da, eyni zamanda mənə ən çox şey öyrədən də o olub.
Dortmunda gələndə hər şeyi edə biləcəyimi sübut etmək istəyirdim, amma məndən nə istədiyini başa düşmədiyimi hiss etdim, ona görə də birbaşa ondan məndən nə istədiyini soruşdum.
Onunla həyatımı dəyişdirən bir söhbətim oldu. Üzündən mənə inandığını görə bilirdim və bu, atamın ölümündən bəri etmədiyim bir söhbət idi".
