Lent.az
Polşalı hücumçu Robert Levandovski "Barselona" ilə müqaviləsi 2026-cı ilin yayında başa çatdıqdan sonra ərəb komandalarından birinə keçəcək.
Lent.az xəbər verir ki, Kataloniya klubu 36 yaşlı hücumçunun əmək müqaviləsini 2026-cı ildən sonra da uzatmaq variantını nəzərdən keçirmir. Levandovskinin karyerasını Səudiyyə Ərəbistanında davam etdirmək istəyini onun agentliyinin nümayəndəsi də təsdiqləyib.
Ötən mövsüm forvard bütün turnirlərdə 52 oyun keçirib, 42 qol vurub və 3 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub.Transfermarkt portalında verilən məlumata görə, futbolçunun bazar dəyəri 12 milyon avrodur.
