Sport24.az
"Bavariya"nın hücumçusu Leroy Sane Səudiyyə Ərəbistanının "Əl-İttihad" klubuna keçmək təklifini rədd edib. Sport24.az xəbər verir ki, bu barədə "Sky Sport" məlumat yayıb.
Bildirilir ki, "Əl-İttihad" futbolçuya ümumilikdə 100 milyon avroya 4 illik müqavilə təklif edib. Lakin Sane "Bavariya"da qalmağa üstünlük verib və klubla yeni müqavilə imzalamağı planlaşdırır.
"Bavariya" ilə yeni müqavilənin tezliklə, təxminən iki həftə ərzində bağlanacağı gözlənilir. Anlaşma 2028-ci ilə qədər qüvvədə olacaq. Müqavilənin şərtlərinə görə, Sane mövsümə 10 milyon avro maaş alacaq. Onun bonuslarlarla birlikdə illik gəliri 16 milyon avroya qədər yüksələ bilər.
Qeyd edək ki, Sane 2020-ci ildən "Bavariya"da çıxış edir. O, bu mövsüm 42 oyun keçirib, 12 qol vurub və 5 məhsuldar ötürmə edib.
