Sport24.az
"Leroy Mikels mövsümün ilk yarısında "Şamaxı"da özünü yaxşı tərəfdən göstərdiyinə görə, bir neçə elita klubunun maraq dairəsinə düşüb. Gələn təklifləri müştərimi qane etsə, klubu dəyişə bilər". Bu sözləri Sport24.az-a açıqlamasında futbolçunun agenti Fuad Xəliliov deyib.
Fuad bəy Premyer Liqa klubları ilə yanaşı, Mikelsə ölkə xaricindən də təklif olduğunu bildirib: "Ad çəkmək istəmirəm. Yalnız onu deyə bilərəm ki, elitanın 3 klubu almaniyalı legionerin xidmətində maraqlıdı. Leroya ölkə xaricindən də təklif var. Yenə deyirən, sərfəli şərtlər irəli sürən olsa, nəzərdən keçirəcəyik. Ancaq böyük ehtimalla, futbolçu mövsümün sonuna kimi "Şamaxı"da qalacaq".
Qeyd edək ki, "Şamaxı"nın ötən yay "rənglərinə bağladığı" 29 yaşlı legioner cari mövsümdə Premyer Liqada 16 oyuna çıxıb və 4 qol, 3 məhsuldar ötürmə ilə yadda qalıb.
