Sport24.az
"Birinci dövrədə komandamız uğurlu çıxış edə bilmədi. Hətta məşqlərə belə çıxa bilmirdik. Bunun əsas səbəbi maliyə problemi idi". Bu sözləri Sport24.az saytına açıqlamasında İkinci Liqada mübarizə aparan "Lerik"in rəhbəri Famil Məmmədov deyib.
Klub rəsmisi mövsümü dəyərləndirib:
"İstədiyimiz xalları toplaya bilmədik. İkinci dövrədə isə heyətdə dəyişiklər etməli olduq, bəzi futbolçuları komandaya cəlb etdik. Müəyyən matçlarda əzmkarlıq göstərərək xallar qazandıq. Ən azı pley-offa vəsiqə əldə etdik. Çalışacağıq liqada yerimizi qoruyaq. Klub Region Liqasına düşsə, fasilə verməyi düşünmürük. Fəaliyyətimizi davam etdirəcəyik. Lerikdəki stadionla bağlı yenilik yoxdur. Böyük ehtimalla, növbəti mövsümdə də doğma rayonda oynaya bilməyəcəyik".
Qeyd edək ki, "Lerik" İkinci Liqanı 19 xalla 13-cü pillədə bitirib.
