Lent.az
"Leqanes"in yarımmüdafiəçisi Xuan Krus rəhbərliyin onu başqa komandaya satmaq istəməməsi səbəbindən analıq məzuniyyətinə getməyi düşünür.
Lent.az-ın xarici mediaya istinadla xəbərinə görə, Xuan Krus bir neçə ay əvvəl İspaniya "Leqanes"inin rəhbərliyinə komandadan getmək istəyi barədə məlumat verib. Klub bir neçə təklif alsa da, ispaniyalını 10 milyon avrodan aşağı qiymətə satmaqdan imtina edir. Bu səbəbdən danışıqlar pozulur.
25 yaşlı Krus "Leqanes"də oynamaq istəmir. Futbolçu tezliklə ata olacaq, ona görə də həyat yoldaşının əvəzinə analıq məzuniyyətinə getməyi düşünür.
Ötən mövsüm Krus La Liqada 34 oyun keçirib. O, beş qol vurub və dörd məhsuldar ötürmə edib. Mövsümün sonunda Madrid ətrafının klubu 18-ci yeri tutub və Sequndaya düşüv. 2025/26 mövsümünün açılış oyununda "Leqanes" səfərdə "Ueska" ilə heç-heçə oynayıb (1:1).
Transfermarkt portalı Krusun dəyərini beş milyon avro qiymətləndirir. Yarımmüdafiəçi daha əvvəl "Malaqa" və "Betis"də çıxış edib.
