Sport24.az
"Yuventus" və İtaliya millisinin keçmiş müdafiəçisi Leonardo Bonuççi özünü məşqçilikdə sınamaq istədiyini bildirib. Sport24.az xəbər verir ki, veteran futbolçu qonaq olduğu verilişlərin birində bu barədə danışıb O, rəhbərliyi altında oynadığı məşqçilərin xüsusiyyətləri ilə bağlı suala cavab verib:
"Düşünürəm ki, intuisiya baxımından ən yaxşısı Alleqri idi. O, oyunçuların əsas xüsusiyyətlərini görür və buna uyğun da onları mövqelərə yerləşdirirdi. Alleqri həmçinin oyunçularla ünsiyyət qurmaqda fenomenaldır. O, heç vaxt mənfi bir şey demir, heç vaxt şikayət etmir.
Taktika baxımından Antonio Konte isə təkrarolunmazdır. "Yuventus"a gələndə 4-2-4 sxemi ilə başladı, sonra 4-3-3, daha sonra isə əzbər bildiyimiz 3-5-2 sxeminə keçdi".
Qeyd edək ki, karyerası ərzində "Yuventus", "Milan", "Fənərbaxça" kimi klublarda oynayan müdafiəçi İtaliya yığmasında 121 oyun keçirib.
