Sport24.az
Albaniyanın "Eqnatiya" klubunda çıxış edən Azərbaycan millisinin futbolçusu Zamiq Əliyev oyun vaxtı orucunu açıb. Sport24.az xəbər verir ki, bu, ölkə çempionatının XVII turunda "Teuta" ilə matça təsadüf edib.
Qarşılaşmanın 35-ci dəqiqəsində qısa fasilə yaranıb və Ramazan ayında oruc tutan oyunçular bundan yararlanıblar.
Qeyd edək ki, sözügedən görüş 1:1 hesabı ilə yekunlaşıb. Matça start heyətində başlayan Zamiq Əliyev sonadək meydanda olub. "Eqnatiya" hazırda 49 xalla liderdir.
