Sport24.az
"Milan"ın portuqaliyalı cinah oyunçusu Rafael Leau məşhur keçmiş futbolçu Kakanın uğurunu təkrarlayıb. Sport24.az xəbər verir ki, bu barədə "Opta" məlumat yayıb.
Leau ötən gecə A seriyasının 9-cu turundan təxirə salınan "Bolonya" ilə matçda (1:2) fərqlənib. Bu, onun cari mövsümdə ölkə çempionatında 6-cı qolu olub.
Nəticədə Leau Kakadan sonra ardıcıl 6 mövsüm A seriyasında 5-dən çox qol vuran ilk oyunçu adını qazanıb.
Kaka 2003/2004 mövsümündən etibarən ardıcıl 6 mövsüm A seriyasında 5+ qol vurmuşdu.
Qeyd edək ki, Leau 2019-cu ildən "Milan"ın formasını geyinir.
