Sport24.az
"Qarabağ" avrokuboklarda 200-cü oyununu keçirib və 250-ci qolunu vurub. Bu, UEFA Çempionlar Liqasının Liqa mərhələsinin IV turuna təsadüf edib. Sport24.az PFL-in saytına istinadən xəbər verir ki, "Çelsi" ilə oyun Ağdamlıların qitəmiqyaslı turnirlərdə ümumilikdə 200-cü matçı kimi tarixə düşüb. İngiltərə təmsilçisi ilə görüş 2:2 hesabı ilə başa çatıb.
"Qarabağ" Çempionlar Liqasında 67, Avropa Liqasında (əvvəl UEFA kuboku) 109, Konfrans Liqasında 16, Kuboklar kubokunda 4, İntertoto kubokunda 4 matça çıxıb.
"Qarabağ"ın bu qarşılaşmadakı ilk topu Avropa klub turnirlərində vurduğu 250-ci qol olub. Yubiley topuna Leandro Andrade imza atıb.
"Qarabağ" Çempionlar Liqasında 105, Avropa Liqasında (əvvəl UEFA kuboku) 124, Konfrans Liqasında 19, Kuboklar kubokunda 1, İntertoto kubokunda 2 qol vurub.
"Qarabağ" bu qarşılaşmalarda 77 qələbə qazanıb, 47 heç-heçə edib cə 76 dəfə uduzub. 251 qol vuran komanda 261 top buraxıb.
Qeyd edək ki, "Qarabağ" avrokuboklarda 1996/97 mövsümündə debüt edib. 1996-cı il avqustun 8-də "MüPA" ilə Bakıdakı qarşılaşmada qonaqlar qalib gəlib – 0:1. İlk qola isə Finlandiya təmsilçisi ilə 14 gün sonrakı matçda (1:1, əlavə vaxtda) Bəxtiyar Musayev imza atıb.
