Sport24.az
"Qarabağ"ın futbolçusu Leandro Andradenin Sport24.az-a müsahibəsi
- Azərbaycan Kubokunun finalında "Sabah"a məğlub oldunuz. Səncə, nəyə görə qalib gələ bilmədiz?
- Əslində, çətin oyun idi. Çünki çempionat bitəndən sonra bir həftə gözlədik, hazırlıq prosesi, bütün bunlar asan deyil. Bu bizim üçün dərs oldu ki, növbəti oyunlarda, finallarda eyni səhvlərə yol verməyək. Artıq istirahət, ailə ilə vaxt keçirmək zamanıdır. Növbəti matçlara baxmalıyıq.
- "Qarabağ"ın nadir hallarda qapısına 2 penalti təyin edilir. Bunu nə ilə əlaqələndirirsən?
- Bunu fiziki hazırlıqla heç bir əlaqəsi yoxdur. 1-2 saniyəlik konsentrasiyanı itirdiyin halda, penaltiyə yol verə bilərsən, penaltini qaçıra da bilərsən. Bunu hətta dünyanın ən yaxşı oyunçularından Kriştiano Ronaldo da edə bilər. Penaltini kim edirsə, təkcə onun səhvi deyil. Penalti haradan başlayır, harada top itkisi olur, orta xətdən keçir və gəlir son mərhələyə çatır. Penalti təkcə bir nəfərin günahı deyil.
- Bəs, hakim idarəçiliyi ilə bağlı nə deyə bilərsən?
- Bu barədə heç bir şey deyə bilmərəm.
- 2025/2026 mövsümündə Çempionlar Liqasında 2-ci təsnifat mərhələsindən başlayacaqsız. Hansısa avantajı varmı?
- Çox həyəcanlı və sevincliyəm ki, Çempionlar Liqasında yenidən iştirak edəcəyik. Çünki mövsümün əvvəlində hədəfimiz bu idi. Hər şey isti, hər şey fərqli olur. Bu yarışda iştirak etmək xoşbəxtlikdir.
- Bu mövsüm ölkə çempionatında bombardir oldun. Bu haqda fikrin necədir?
- Təbii ki, buna görə şadam. Mən meydana çıxıramsa, komandaya uğurlu nəticə qazanması üçün kömək olmağa çalışıram. Əlbəttə ki, burada bütün komandamızın əməyi var. Çünki biz bir komandayıq və ən yaxşısı üçün daim hamımız çalışırıq. Hər halda, yeni mövsümdə də sonuna qədər çalışacağıq ki, uğurlu nəticə qazanaq.
