Idman.biz
"Barselona"nın prezidenti Joan Laporta İspaniya Superkuboku finalından əvvəl Kataloniya klubunun "Real Madrid"lə münaqişəsinə toxunub.
İdman.Biz bildirir ki, Laporta daha əvvəl "Real Madrid"in rəhbəri Florentino Peresin "Neqreyra işi" ilə bağlı şərhlərinə yumoristik cavab vermişdi.
"Real Madrid"lə münasibətlər pisdir, zədələnib. Bizi bir-birimizdən ayıran bir neçə məsələ var. Onsuz da barışmaz və əbədi rəqib olduğumuz halda, vəziyyət indi çox pisdir. Bu, heç bir hörmətin olmadığı anlamına gəlmir, bu hörmət mədəni şəkildə qorunmalıdır, amma münasibətlər tamamilə pozulub. Həyatda olduğu kimi, futbolda da hər şey həll edilə bilər, amma bu, tərəflərin iradəsindən asılıdır və hazırda bir sıra hallar bir araya gəlib ki, bu da münasibətlərin pozulmasına səbəb olub", - deyə Sport.es Laportanın sözlərini sitat gətirir.
