Idman.biz
İspaniyanın "Barselona" klubunun prezidenti Səudiyyə Ərəbistanının Ciddə şəhərində mini futbol oynayıb.
İdman.Biz xəbər verir ki, İspaniya Superkuboku oyunları üçün Ciddə şəhərində olan "Barselona" komandası "Atletik" üzərindəki qələbədən sonra klubun bəzi ehtiyat oyunçuları və rəhbərlik səviyyəsində mini futbol oynayıblar.
Top dalıyca qaçanlardan biri də klub prezidenti Joan Laporta olub. Amma onun futbol oynaması yox, daha çox komandanın sabiq hücumçusu Leonel Messi kimi meydanda yeriməsi diqqət çəkib.
Qeyd edək ki, hazırda MLS-in "İnter Mayami" komandasında oynayan Messi stadionda heç zaman bütün oyun boyu ora-bura qaçmır. Onu əksərən yeriyən halda görmək mümkündür. Ancaq top onda olan vaxt driblinq edir və ya kiməsə ötürmə verir.
