Idman.biz
Fransa Liqa 1 mövsümünün 12-ci turunun "Monako" – "Lans" oyunu başa çatıb.
İdman.Biz bildirir ki, oyun Monakodakı "Stade Louis II" stadionunda keçirilib.
Qonaqlar 4-1 hesabı ilə qalib gəliblər.
Oyunun ilk qolunu 21-ci dəqiqədə qonaqların hücumçusu Odsonne Eduard vurub. "Monako"nun yarımmüdafiəçisi Folarin Baloqun 37-ci dəqiqədə penaltidən hesabı bərabərləşdirib, lakin üç dəqiqə sonra hücumçu Uesli Said "Lans"ı yenidən irəli çıxarıb. Birinci hissənin sonlarında Baloqun birbaşa qırmızı vərəqə alaraq meydanı tərk edib, bundan sonra qonaqların yarımmüdafiəçisi Mamadu Sanqare 45+3-cü dəqiqədə hesab arasındakı fərqi artırıb.
Uesli Said ikinci hissənin 60-cı dəqiqəsində ikinci qolunu vuraraq yekun hesabı müəyyən edib.
12 oyundan sonra "Monako" Fransa çempionatının turnir cədvəlində 20 xalla altıncı, "Lans" isə 25 xalla ikinci yerdədir.
