"Barselona"nın yarımmüdafiəçisi Lamin Yamalın atası Munir Nasraui oğlunun 2026-cı ildə "Qızıl top"u qazanacağına əmin olduğunu bildirib.18 yaşlı ispaniyalı 2025-ci il "Qızıl top" üçün səsvermədə yalnız PSJ-nin hücumçusu Usman Dembeledən geri qalaraq ikinci olub. Sport24.az xəbər verir ki, o, bununla bağlı "El Partidazo de COPE"yə açıqlama verib:
"Mükafatlandırma mərasimini izlədim. Gələn il bizimdir".
Qeyd edək ki, Yamal ardıcıl ikinci dəfə "İlin Gənc Futbolçusu" mükafatını alıb. 2024/25 mövsümündə yarımmüdafiəçi bütün turnirlərdə "Barselona"nın heyətində 55 matçda 18 qol vurub və 25 məhsuldar ötürmə edib. O, komanda ilə İspaniya çempionatının və İspaniya kubokunun qalibi olub.
Sport24.az
