Sport24.az
"Barselona"nın və İspaniya millisinin oyunçusu Lamin Yamal yığmanın heyətində ötən il Avropa çempionatındakı qələbədən sonra üzləşdiyi çətinliklərdən danışıb. Sport24.az xəbər verir ki, 17 yaşlı futbolçu populyarlığın normal həyata mane olduğunu bildirib:
"Uşaq kimi idim, amma AÇ-2024-dəki qələbədən sonra hər şey dəyişdi. Əvvəllər istədiyim yerə normal səyahət edə bilirdim. Ancaq indi hava limanında olmaq mənim üçün çox çətindir, hamı məni tanıyır. Bununla fəxr edə bilərsiniz, amma bu, çətindir, çünki belə populyarlıq normal həyata mane olur".
Qeyd edək ki, Yamal cari mövsümdə "Barselona"nın heyətində bütün turnirlərdə 35 oyun keçirib, 11 qol vurub, 15 məhsuldar ötürmə edib.
