Sport24.az
İspaniya millisinin hücumçusu Lamin Yamal Millətlər Liqasının finalında Portuqaliya ilə qarşılaşmadan qələbə gözlədiyini bildirib. Sport24.az xəbər verir ki, gənc ulduz UEFA-nın mətbuat xidmətinə açıqlamasında rəqibin kapitanı Ronaldoya isə xüsusi hörmətinin olduğunu vurğulayıb:
"Qalibiyyət dalğasında olduğunuz zaman ən gözəl şey qələbəyə davam etməkdir. İstəyirik ki, İspaniya millisinin bütün oyunçuları belə anlardan həzz ala bilsinlər. Ronaldo əfsanədir və mən ona hədsiz hörmət edirəm, amma mənim vəzifəm Millətlər Liqasının finalında da qalib gəlməkdir".
Qeyd edək ki, Millətlər Liqasının finalında İspaniya Portuqaliya ilə qarşılaşacaq. Qarşılaşma bazar günü, iyunun 8-də baş tutacaq. Oyun Bakı vaxtı ilə saat 21:45-də başlayacaq.
