Idman.biz
"Barselona"nın hücumçusu Lamin Yamal İspaniya üzrə sosial şəbəkələrdə ən çox nifrət xarakterli təhqirə məruz qalan futbolçu kimi qeydə alınıb.
İdman.Biz xəbər verir ki, İspaniyanın irqçilik və ksenofobiya ilə mübarizə observatoriyası ölkə üzrə futbolçulara və komandalara yönələn nifrət nitqini təhlil edən yeni hesabat yayıb.
Sənədə görə, bütün təhqirlərin 60 faizi məhz Lamin Yamala yönəlib.
Siyahıda ikinci yerdə "Real Madrid"in hücumçusu Vinisius Junior qərarlaşıb - onun payı 29 faizdir. Daha sonra "Real Madrid"in hücumçusu Kilian Mbappe (3 faiz), "Barselona"nın müdafiəçisi Alexandro Balde (2 faiz), "Atletik"in futbolçuları İnaki və Niko Uilyams qardaşları (2 faiz) və "Real Madrid"in yarımmüdafiəçisi Brahim Dias (2 faiz) gəlirlər.
Hesabat sosial şəbəkələrdəki təhqirlərin strukturunu, miqyasını və xarakterini göstərməklə yanaşı, müxtəlif futbolçuların hədəf seçilməsinin səbəblərini də gündəmə gətirib. Xüsusilə Lamin Yamala yönəlik təhqirlərin kəskin üstünlük təşkil etməsi ictimai müzakirələri gücləndirib.
Bununla belə, müşahidəçilər bildirirlər ki, yüksək faizlik göstəriciyə baxmayaraq, Yamalın bu proseslərə reaksiyası daha sakit və balanslı olub - bəzi digər futbolçularla müqayisədə daha adekvat davranması xüsusi vurğulanır.
