Sport24.az
"Barselona"nın 17 yaşlı hücumçusu Lamin Yamal Kataloniya təmsilçisinin heyətində bütün turnirlər nəzərə alınmaqla 100-cü matçını keçirib. Sport24.az xəbər verir ki, bu, Çempionlar Liqasının yarımfinal mərhələsinin "İnter"lə ilk oyununda baş verib.
Qarşılaşma zamanı Yamalın 17 yaş 291 günlük yaşı var idi. Bununlada futbolçu "Barselona"nın tarixi ərzində 100 oyun keçirən ən gənc oyunçu olub.
Əvvəllər bu rekord daha bir ispaniyalı yarımmüdafiəçi Qaviyə (19 yaş 30 gün) məxsus idi. Siyahıda üçüncü yerdə isə 19 yaş, 2 ay, 25 gündə katalonların heyətində 100-cü matçını keçirən Bojan Krkic qərarlaşıb.
Qeyd edək ki, bu mövsüm Yamal bütün turnirlərdə 49 matçda iştirak edib, 15 qol vurub və 24 məhsuldar ötürmə edib.
