Idman.biz
"Barselona" və İspaniya millisinin hücumçusu Lamin Yamal klub rəhbərliyini 27 martda keçiriləcək Finalissimada Argentinaya qarşı oynamaq istəyi barədə məlumatlandırıb.
İdman.Biz bildirir ki, bu barədə AS məlumat yayıb.
Məlumata görə, cinah oyunçusu Kataloniya klubu ilə Kral İspaniya Futbol Federasiyası (RFEF) arasında münasibətlərin o vaxta qədər bərpa olunacağına ümid edir.
Yamal özünü günahkar olmadığı münaqişədə mərkəzi fiqur kimi hiss edir. Hücumçu zədəsini mümkün qədər tez sağaltmaq və bu mövsüm yüksək səviyyədə çıxış etmək, "Barselona" ilə uğur qazanmaq və dünya çempionatına vəsiqə qazanmaq istəyir.
Daha əvvəl RFEF "blauqrana"nın Yamalın invaziv radiotezlikli prosedurdan keçməsi barədə ona əvvəlcədən məlumat verməməsindən narahatlığını bildirib.
