Idman.biz
İspaniyanın "Barselona" klubunun vingeri Lamin Yamal karyerasında mühüm göstəriciyə imza atıb.
İdman.Biz xəbər verir ki, 18 yaş 182 günlüyündə olan futbolçu İspaniya Superkubokunun finalında "Real" üzərində qazanılan 3:2 hesablı qələbə ilə "Barselona" ilə beşinci titulunu əldə edib.
Beləliklə, Lamin Yamal "Barselona" tarixində bu yaşda ən çox titul qazanan futbolçulardan biri olub. Müqayisə üçün qeyd edək ki, klubun sabiq hücumçusu Lionel Messi həmin yaşda katalon klubu ilə cəmi iki titul - 2004/05 mövsümündə La Liqa və 2005-ci ildə İspaniya Superkubokunu qazanmışdı.
Qeyd edək ki, "Barselona" bu qələbə ilə tarixində 16-cı dəfə İspaniya Superkubokunun qalibi olub. Keçən mövsümün finalında da katalon klubu "Real"ı 5:2 hesabı ilə məğlub etmişdi.
