Idman.biz
"Barselona"nın cinah oyunçusu Lamin Yamal ardıcıl ikinci dəfə La Liqada ayın oyunçusu seçilib.
İdman.Biz-in məlumatına görə, Kataloniya klubu mükafatı X sosial media hesabında açıqlayıb. 18 yaşlı futbolçu əvvəllər noyabr ayı üçün mükafatı qazanmışdı və indi dekabr ayında bu uğuru təkrarlayıb.
Ötən ay "Barselona" "Atletiko Madrid" (3:1), "Betis" (5:3), "Osasuna" (2:0), "Vilyarreal" (2:0) və "Espanyol" (2:0) komandalarını məğlub edərək beş liqa oyununda qalib gəlib. Yamal bu matçlarda iki qol vurub.
"Real Madrid"in hücumçusu Kilian Mbappe sentyabr və oktyabr aylarında La Liqada ayın oyunçusu seçilib. Bu mövsüm Lamin Yamal "Barselona"nın heyətində bütün yarışlarda 22 oyun keçirib, 9 qol vurub və 9 məhsuldar ötürmə edib.
