Sport24.az
"Jirona"nın hücumçusu Artyom Dovbikin maraqlarını təmsil edən agent Aleksey Lundovski "Atletiko" ilə uğursuz danışıqlardan söhbət açıb. Sport24.az xarici KİV-ə istinadən xəbər verir ki, ukraynalı futbolçunun agenti "Atletiko"da Dovbik üçün ciddi layihə görmədiklərini bildirib:
"Atletiko" gözəl klubdur, amma biz orda Artyom üçün ciddi layihə görmədik. Onu da qeyd etmək lazımdır ki, onların təklifi Dovbiklə maraqlanan digər klublardan daha pisdir".
Bu arada KİV-də Dovbikin "Roma"ya keçməyə yaxın olduğu haqda xəbərlər yayılıb.
Qeyd edək ki, 27 yaşlı forvard ötən mövsüm İspaniya çempionatının bombardiri olub. O, La Liqada 36 matçda 24 qol vurub və 8 məhsuldar ötürmə edib.
