İdman.biz
La Liqanın prezidenti Xavyer Tebas mütəmadi olaraq "Los Blankos"a qarşı hakimlərin səhvlərini göstərən videolar hazırlayan Madrid "Real"ının klub televiziyasını tənqid edib.
İdman.biz xəbər verir ki, XI turun "Barselona" ilə oyunu ərəfəsində (oktyabrın 26-da) Kral klubunun TV-si qarşıdakı görüşün baş hakiminin "Barsa"nın xeyrinə etdiyi səhvləri əks etdirən video yayımlayıb.
Tebas əlavə edib ki, sonuncu videoya baxmayıb, lakin başqalarını görüb: "Bu, ədalətli oyun deyil və tarixi mənada "Real" tərəfindən cəngavərlik hərəkəti deyil. Onlar uzun müddətdir ki, hakimlik mövzusunu müzakirə edirlər, amma bu, yorucudur. Belə yanaşma "Real"ın dəyərlərinə uyğun deyil və istənilən madridli bunu vicdanla deyə bilər".
İdman.biz
