Sport24.az
La Liqanın prezidenti Xavyer Tebas "Real"ın prezidenti Florentino Peresi tənqid edib. Sport24.az xəbər verir ki, o deyib:
"Florentinonun futbolu insanları aldadır. O, təkcə varlılar üçün uyğun olan oliqarx futbolu təmsil edir. Peres hər şeyi özü həll etmək və pulları öz istədiyi kimi bölmək istəyir. "Madridçilik"in bəzi pərəstişkarları onun etdikləri dəstəkləyərək səhv edirlər. Madridlilərin öz müstəqil düşüncəsi olmalıdır. "Real" qazananda mən xoşbəxtəm. "Real" ÇL-də qələbə qazananda çox sevincli idim. Amma mən "madridçi"yəm, "florentinoçu" yox.
Superliqa? Mən La Liqanı "Real"sız təsəvvür etmirəm. Bu, mümkün deyil. Lakin Florentino çox inadkardır. O, heç vaxt məğlub olmur".
