Idman.biz
İspaniya La Liqasında futbol üzrə XI turun oyunları keçirilir, bu tur liderlər orta səviyyəli komandalarla qarşılaşacaqlar.
İdman.Biz-in məlumatına görə, "Real" "El-Klasiko"dakı qələbədən sonra liderliyini qoruyur və xallar baxımından öz inamlı üstünlüyünü saxlayır. "Barselona" və "Atletiko"(Madrid) ilə 2-3-cü yerlərdə öz aralarında mübarizəni davam etdirir.
Cədvəlin yuxarı hissəsində sıxlıq qalır - favoritlərdən birinin ilk büdrəməsi ilə bir neçə komanda mübarizəyə qoşulmağa hazırdır.
"Real"(Madrid) – "Valensiya" (1 noyabr)
Çempionatın lideri "El-Klasiko" qələbəsindən sonra "Real"(Madrid) beş xal fərqlə irəliləyir və yaxşı formada "Santyaqo Bernabeu"ya qayıdır: 10 turda 9 qələbə, 27 xal, top fərqi 22:10. Bununla belə, Xabi Alonso əsas təhlükə barədə xəbərdarlıq edib; böyük oyundan sonra emosional "sönmə" riski.
"Böyük qələbədən sonra ayıq-sayıq olmalıyıq, tempimizi itirmək istəmirik. Komanda döyüşə hazırdır" – deyə X. Alonso bildirib.
Məşqçi həmçinin Karvahalın itkisindən təəssüfləndiyini və futbolçunun təxminən 6-8 həftə sıradan çıxacağını deyib. Ümumilikdə "Real"ın müdafiə xətti zədələrlə zəifləyib, lakin Mbappe və Bellinqhemin forması qonaqlara təzyiqin açarı hesab olunur.
Öz növbəsində, Karlos Korberanın rəhbərlik etdiyi "Valensiya" kubokda uğursuz seriyanı qırsa da, La Liqada 10 turda cəmi iki qələbə və doqquz xal toplaya bilib. Korberan Madrid səfəri ərəfəsində qeyd edib ki, "müsbət nəticə üçün meydanın hər iki hissəsində maksimum səviyyədə oynamalıyıq".
Heyət baxımından: meydan sahiblərində yuxarıda qeyd olunduğu kimi, Karvaxal iştirak etməyəcək, Alaba və Rüdigerin durumu sual altındadır. Qonaqlarda isə Diakabi, Fulkye, Ramazani itkilər arasındadır (Uqrinicdə də problemlərin olduğu bildirilir). Bu oyun Madrid klubunun fərqi möhkəmləndirməsi və "Yarasa"ların dözümlülüyünü sınaqdan keçirməsi baxımından əhəmiyyətlidir.
"Atletiko"(Madrid) - "Sevilya" (1 noyabr)
Dieqo Simeonenin komandası yaxşı formadadır: ardıcıl iki liqa qələbəsi, "Metropolitano" yenidən alınmaz qalaya çevrilir - məqsəd çempionatda ardıcıl üçüncü, ümumilikdə isə altıncı ev qələbəsini qazanmaqdır.
Matias Almeydanın rəhbərlik etdiyi "Sevilya" ideoloji baxımdan yenilənmə mərhələsindədir: fasilə ərəfəsində "Barselona" üzərində 4:1 hesablı parlaq qələbədən sonra La Liqada iki məğlubiyyət alıb, lakin bu həftə kubokda inamlı irəliləyiş göstərib.
Cədvəl baxımından "Atletiko" liderlər qrupundadır, "Sevilya" isə ortalarda qərarlaşıb, lakin ardıcıl nəticələrlə daha yuxarı qalxmaq potensialına malikdir. Meydan sahiblərində heyət vəziyyəti işçi rotasiya çərçivəsindədir, qonaqlar isə bəzi liderlərini kubok oyunundan sonra qoruyur.
"Barselona" – "Elçe" (2 noyabr)
"Barselona" ikinci pillədədir, liderdən beş xal geri qalır və "Olimpiko" stadionunda möhkəm "Elçe"ni qəbul edir. Komanda uzunmüddətli zədə dalğası ilə üz-üzədir.
Hansi Flik bildirib ki, mübarizə aparmaq və oyunun start hissəsində daha güclü təsir bağışlamaq lazımdır. Klub eyni zamanda Pedrinin itkisini təsdiqləyib - futbolçu 3-6 həftə arası meydana çıxa bilməyəcək.
Bundan əlavə, Levandovski və Dani Olmo ümumi məşqlərə qayıdıblar (hələ məhdud şəkildə), Lamin Yamal formda qalmağa çalışır, lakin qasıq nahiyəsindəki problem (pubalgiya) ona tam gücü ilə oynamağa imkan vermir. Rafinya, Ter Ştegen və Qavi isə hələ də sıradan çıxıblar.
"Elçe" 10 turdan sonra "top-10"da qərarlaşıb və bu mövsüm səfərlərdə daha kəskin oyun sərgiləyir, lakin tarixi baxımdan "Barselona"nın meydanında xalsız qalır. Klub ətrafında təşkilati yenilik də var: 7 noyabrda "Kamp Nou"da stadionun geri dönüşdən əvvəl yoxlanılması məqsədilə açıq məşq planlaşdırılıb. Oyun Bakı vaxtı ilə 20:30-da başlayacaq.
Turun digər oyunları:
"Xetafe" – "Girona" (31 oktyabr) 2:1
"Vilyarreal" – "Rayo Valyekano" (1 noyabr)
"Real Sosyedad" – "Atletik" (1 noyabr)
"Levante" – "Selta" (2 noyabr)
"Alaves" – "Espanyol" (2 noyabr)
"Betis" – "Malyorka" (2 noyabr)
"Real Oviedo" – "Osasuna" (3 noyabr)
Turnir cədvəli:
"Real" (Madrid) – 27
"Barselona" – 22
"Vilyarreal" – 20
"Atletiko" – 19
"Espanyol" – 18
"Xetafe" – 17
"Real Betis" – 16
"Rayo Valyekano" – 14
"Elçe" – 14
"Atletik Bilbao" – 14
"Sevilya" – 13
"Alaves" – 12
"Selta" – 10
"Osasuna" – 10
"Levante" – 9
"Real Mallorka" – 9
"Real Soseydad" – 9
"Valensiya" – 9
"Real Oviedo" – 7
"Jirona" – 7
Teymur Tuşiyev
