Idman.biz
İspaniya çempionatının X turu liderlər üçün həlledici olacaq. "Real Madrid" öz meydanında "Barselona"nı qəbul edir, "Valensiya" isə "Vilyarreal"lə derbidə üz-üzə gələcək.
İdman.Biz oxucular üçün La Liqanın onuncu turunun əsas qarşılaşmalarını təqdim edir.
"Real Madrid" - "Barselona" (26 oktyabr)
Turun və mövsümün ən çox gözlənilən oyunu - cari mövsümün ilk "El Klasiko"su. Hazırda "Real Madrid" 24 xalla turnir cədvəlinə başçılıq edir, "Barselona" isə 22 xalla ikinci yerdədir.
Madridlilər ötən turda "Xetafe"ni 1:0 hesabı ilə məğlub edib, qələbə qolunu Kilian Mbappe vurub. "Barselona" "Jirona" üzərində 2:1 hesablı qələbə qazanıb, həlledici qolu 90+ dəqiqədə Arauho vurub.
"Real"da mərkəz müdafiəçisi Din Xöysen zədə səbəbindən sıradan çıxıb, Dani Karvaxalın durumu isə hələ də sual altındadır. "Barselona"da Robert Levandovski və Rafinhanın bərpa prosesi davam edir. Baş məşqçi Hansi Flik "Jirona" ilə matçda aldığı qırmızı vərəqə səbəbindən bu oyunda texniki zonada ola bilməyəcək.
"Valensiya" - "Vilyarreal" (25 oktyabr)
"Valensiya" qeyri-sabit çıxış edir və ötən turda səfərdə "Alaves"lə 0:0 hesablı heç-heçə edib. "Vilyarreal" "Betis"lə 2:2 oynayıb, lakin həftəiçi Çempionlar Liqasında "Mançester Siti"yə 0:2 hesabı ilə məğlub olub. Buna baxmayaraq, komanda hələ də ilk üçlükdə yer alır.
"Valensiya"da Muktar Diakkabi zədəsini bərpa edir. "Vilyarreal"da isə Villi Kambvala, Loqan Kosta və Huan Foyt sıradan kənardadır.
"Betis" - "Atletiko" (27 oktyabr)
Avrokubok zonası uğrunda birbaşa rəqiblərin görüşü. "Betis" son turda "Vilyarreal"la 2:2 hesablı heç-heçə edib. "Atletiko" "Osasuna"ya qarşı 1:0 hesablı qələbə qazansa da, Çempionlar Liqasında "Arsenal"a 0:4 uduzub.
Sevilya klubunda İsko zədəlidir, bir neçə hücumçu da şübhə altındadır. "Atletiko"da Conni Kardosonun vəziyyəti sual altındadır ki, bu da sıx oyun təqvimi fonunda Dieqo Simeone üçün əlavə çətinlik yaradır.
"Espanyol" - "Elçe" (25 oktyabr)
Turnir cədvəlinin yuxarı hissəsində qonşu komandaların dueli. "Espanyol" altıncı, "Elçe" isə eyni xalla yeddinci pillədə qərarlaşıb. Kataloniyalılar iki həftə öncə səfərdə "Real Oviedo"nu 2:0 hesabı ilə məğlub edib, "Elçe" isə "Atletik"lə 0:0 oynayıb.
"Espanyol"da Xavi Puado, "Elçe"də isə Qreydi Diangana zədə səbəbindən forma geyinə bilməyəcək.
Digər qarşılaşmalar
1. "Real Sosyedad" - "Sevilya" 2:1 (24 oktyabr)
2. "Atletik" - "Xetafe" (25 oktyabr)
3. "Jirona" - "Real Oviedo" (25 oktyabr)
4. "Mayorka" - "Levante" (26 oktyabr)
5. "Osasuna" - "Selta" (26 oktyabr)
6. "Rayo Valyekano" - "Alaves" (26 oktyabr)
La Liqanın hazırkı turnir cədvəli
1. "Real Madrid" – 24 xal
2. "Barselona" – 22
3. "Vilyarreal" – 17
4. "Atletiko" – 16
5. "Betis" – 16
6. "Espanyol" – 15
7. "Elçe" – 14
8. "Atletik" – 14
9. "Sevilya" – 13
10. "Alaves" – 12
11. "Rayo Valyekano" – 11
12. "Xetafe" – 11
13. "Osasuna" – 10
14. "Real Sosyedad" – 9
15. "Valensiya" – 9
16. "Levante" – 8
17. "Mayorka" – 8
18. "Seltə" – 7
19. "Real Oviedo" – 6
20. "Jirona" – 6
Teymur Tuşiyev
