Idman.biz
İspaniya La Liqasının 26-cı turu çərçivəsində keçirilən "Jirona" - "Selta" qarşılaşması qonaqların 2:1 hesablı qələbəsi ilə başa çatıb. "Montilivi" stadionunda baş tutan matç gərgin idman mübarizəsi və qarşılıqlı hücumlarla yadda qalıb.
İdman.Biz xəbər verir ki, oyunun ilk hissəsində hesabı meydan sahibləri açıblar. 35-ci dəqiqədə künc zərbəsindən sonra Aksel Vitselin ötürməsini Vladislav Vanat qola çevirərək "Jirona"nı önə keçirib - 1:0.
Lakin ikinci hissədə təşəbbüsü ələ alan "Selta" vəziyyəti dəyişməyi bacarıb. 58-ci dəqiqədə Oskar Minqesanın ötürməsindən sonra Ferran Jutqla cərimə meydançasından dəqiq zərbə ilə tarazlığı bərpa edib. Matçın 70-ci dəqiqəsində isə yenidən Minqesanın başladığı sürətli əks-hücum zamanı rəqib oyunçu Vitor Reys topu öz qapısına göndərib.
Bu qələbədən sonra xallarını artıran "Selta" (40) turnir cədvəlinin altıncı pilləsindəki mövqeyini qoruyub. "Jirona" (30) isə bu məğlubiyyətlə 11-ci sıradakı yerini "Sevilya" ilə bölüşür.
00:10
İspaniya La Liqasının 26-cı turu çərçivəsində keçirilən "Betis" - "Sevilya" matçı məhsuldar heç-heçə ilə başa çatıb. Sevilya derbisində tərəflər hərəyə iki qol vuraraq xalları bölüblər.
İdman.Biz xəbər verir ki, qarşılaşmaya "Betis" daha fəal başlayıb. 16-cı dəqiqədə Entoni hesabı açıb, 37-ci dəqiqədə isə Alvaro Fiqaldo meydan sahiblərinin üstünlüyünü iki topa çatdırıb.
Lakin ikinci hissədə "Sevilya" geri dönməyi bacarıb. 65-ci dəqiqədə Aleksis Sançes fərqi minimuma endirib. Matçın sonlarına yaxın, 85-ci dəqiqədə isə Ayzek Romero dəqiq zərbə ilə tarazlığı bərpa edib - 2:2.
Bu nəticədən sonra xallarını 43-ə çatdıran "Betis" turnir cədvəlinin beşinci pilləsində qərarlaşıb. "Sevilya" isə 30 xalla 11-ci sırada yer alıb.
21:28
İspaniya La Liqasının 26-cı turu çərçivəsində keçirilən "Valensiya" - "Osasuna" matçı meydan sahiblərinin 1:0 hesablı qələbəsi ilə başa çatıb.
İdman.Biz xəbər verir ki, oyunun taleyini həll edən yeganə qol 67-ci dəqiqədə vurulub. "Valensiya"nın hücumçusu Lardi Ramazani təyin olunmuş penaltini dəqiq yerinə yetirərək komandasına vacib qələbəni gətirib.
Bu nəticədən sonra xallarını 29-a çatdıran "Valensiya" turnir cədvəlinin 13-cü pilləsində qərarlaşıb. "Osasuna" isə 33 xalla 10-cu yerdədir.
Növbəti turda, martın 7-də "Osasuna" öz meydanında "Malyorka"nı qəbul edəcək. "Valensiya" isə bir gün sonra səfərdə "Alaves"lə qarşılaşacaq.
19:44
İspaniya La Liqasının 26-cı turu çərçivəsində keçirilən "Elçe" - "Espanyol" matçı məhsuldar bərabərliklə yekunlaşıb. Hər iki komanda bu nəticə ilə qələbəsiz oyunlar seriyasını davam etdirib.
İdman.Biz xəbər verir ki, qarşılaşmanın yeddinci dəqiqəsində Kike Qarsiya qonaqları hesabda irəli çıxarıb. Meydan sahibləri fasiləyə az qalmış tarazlığı bərpa etməyi bacarıblar; 42-ci dəqiqədə Mark Aquado fərqlənib - 1:1.
Görüşün ikinci hissəsində "Espanyol" yenidən önə keçib. 57-ci dəqiqədə Karlos Romero uzaq məsafədən vurduğu zərbə ilə komandasını üstün duruma gətirib. Lakin "Elçe" məğlubiyyətdən qurtulmağı bacarıb. Matçın sonlarına yaxın qazanılan penaltini dəqiq yerinə yetirən Rafa Mir yekun hesabı müəyyənləşdirib - 2:2.
Bu nəticədən sonra "Espanyol" (36) turnir cədvəlinin yeddinci pilləsində qərarlaşıb. "Elçe" (26) isə təhlükəli zonaya yaxın mövqedə - 17-ci pillədə qalmaqdadır.
