Sport24.az
La Liqa "Real"ın müraciətini rədd edib. Sport24.az xəbər verir ki, bu barədə "Cadena SER" nəşri məlumat yayıb.
Madrid klubu sözügedən qurumdan İspaniya çempionatının 31-ci turunda keçiriləcək "Alaves"ə qarşı matçın vaxtının dəyişilməsi ilə bağlı müraciət edib. "Kral klubu" sabaha təyin olunan görüşü bu gün keçirərək ÇL-in 1/4 final mərhələsinin cavab oyunlarında keçiriləcək "Arsenal"la matça hazırlaşmağa daha çox vaxtın olmasını istəyib. Lakin La Liqa bu müraciəti qəbul etməyib.
Bildirilir ki, "Alaves" tərəfi görüş vaxtının dəyişilməsinə razı idi.
Qeyd edək ki, sözügedən matç sabah Bakı vaxtı ilə 18:15-də başlayacaq. "Real" - "Arsenal" qarşılaşması isə bu ayın 16-sı keçiriləcək.
