Idman.biz
İspaniya La Liqasının 21-ci turunun "Vilyarreal" və "Real Madrid" komandaları arasında keçirilən oyunu başa çatıb.
İdman.Biz bildirir ki, komandalar "Estadio Céramica" (Vilyarreal) stadionunda oynayıblar. Qonaq komanda 2:0 hesablı qələbə qazanıb.
"Real Madrid"in hücumçusu Kilian Mbappe matçın ilk qolunu 47-ci dəqiqədə vurub. 90+4-cü dəqiqədə hücumçu dubl edərək yekun hesabı təsdiqləyib.
İspaniya liqasında 21 oyundan sonra "Real Madrid" 51 xala sahibdir və turnir cədvəlinə başçılıq edir. "Vilyarreal" 20 oyundan sonra 41 xala sahibdir və dördüncü yerdədir.
Növbəti turda "Vilyarreal" 31 yanvarda səfərdə "Osasuna", "Real Madrid" isə 1 fevralda evdə "Rayo Valyekano" ilə qarşılaşacaq.
00:05
İspaniya La Liqasının 21-ci turunun "Sevilya" və "Atletik Bilbao" komandaları arasında keçirilən oyun başa çatıb.
İdman.Biz bildirir ki, komandalar İspaniyanın Sevilya şəhərindəki "Ramon Sançez Pisxuan" stadionunda qarşılaşıblar. Meydan sahibləri 2:1 hesablı qələbə qazanıblar.
"Atletik Bilbao"nun hücumçusu Robert Navarro 40-cı dəqiqədə hesabı açıb. İki dəqiqə sonra meydan sahiblərinin oyunçusu Jerar Fernandes bərabərlik qolunu vurub, Akor Adams isə 56-cı dəqiqədə "Sevilya"nı irəli çıxarıb.
21 La Liqa oyunundan sonra "Sevilya"nın 24 xalı var və doqquzuncu yerdədir. "Atletik Bilbao"nun da 24 xalı var və 12-ci yerdədir.
21:49
İspaniya La Liqasının 21-ci turunun "Espanyol" və "Valensiya" komandaları arasında keçirilən oyun başa çatıb.
İdman.Biz bildirir ki, komandalar "Mestalya" stadionunda (Valensiya) qarşılaşıblar. Meydan sahibləri 3:2 hesablı qələbə qazanıblar.
"Valensiya"nın hücumçusu Uqo Duro 15-ci dəqiqədə hesabı açıb. Qonaq yarımmüdafiəçi Ramon Terrats 54-cü dəqiqədə bərabərlik qolunu vurub, müdafiəçi Eray Cemert isə beş dəqiqə sonra ev sahiblərini yenidən hesabda irəli çıxarıb. 79-cu dəqiqədə "Valensiya"nın müdafiəçisi Xose Kopete öz qapısına qol vurub. 90+4-cü dəqiqədə Largi Ramazani penaltidən qola imza ataraq ev sahiblərinin qələbəsini təmin edib.
La Liqada 21 oyundan sonra "Espanyol" 34 xalla turnir cədvəlində beşinci yerdədir. "Valensiya" 23 xalla 13-cü yerdə qərarlaşıb.
19:48
İspaniya La Liqasının 21-ci turunun oyununda "Osasuna" səfərdə "Rayo Valyekano"nu 3:1 hesabı ilə məğlub edib.
İdman.Biz xəbər verir ki, Viktor Munyos 29-cu dəqiqədə hesabı açıb. Meydan sahibləri 59-cu dəqiqədə Pate Sissanın qolu ilə hesabı bərabərləşdiriblər. 90+1-ci dəqiqədə Viktor Munyos "Osasuna"nı irəli çıxarıb və bir neçə dəqiqə sonra Asier Osambela yekun hesabı müəyyənləşdirib.
"Osasuna" (25 xal) La Liqada səkkizinci yerə yüksəlib. "Rayo Valyekano" (22 xal) turnir cədvəlində 13-cü yerdədir.
