Idman.biz
İspaniya La Liqasının XII turunda "Rayo Valyekano" öz meydanında "Real Madrid"i qəbul edib.
İdman.Biz xəbər verir ki, qarşılaşma 0:0 hesabı ilə yekunlaşıb.
"Real"ın hücumçuları Vinisius Junior və Kilian Mbappe start heyətində meydana çıxaraq matçı tam oynayıblar. Buna baxmayaraq, Madrid təmsilçisi rəqib müdafiəsini yarmaqda çətinlik çəkib və görüş qolsuz nəticə ilə tamamlanıb.
Bu nəticədən sonra "Real" xal sayını 31-ə çatdıraraq turnir cədvəlində 1-ci pillədə mövqeyini qoruyub. Xabi Alonsonun komandası ikinci yerdə olan "Vilyarreal"ı 5, bir oyun az keçirmiş "Barselona"nı isə 6 xal qabaqlayır.
"Rayo Valyekano" isə 15 xalla çempionatın 12-ci pilləsində qərarlaşıb.
XII-ci turun növbəti qarşılaşmasında "Valensiya" öz meydanında "Betis"i qəbul edib.
Görüş 1:1 hesabı ilə başa çatıb. Qonaqların heyətində qolu Kuço vurub. Meydan sahiblərində isə Luis Rioxa fərqlənib.
Bu nəticədən sonra "Betis" xallarını 20-yə çatdıraraq turnir cədvəlində 5-ci pillədə qərarlaşıb. "Valensiya" isə 10 xalla 17-ci yerdədir.
Digər oyunda "Malyorka" doğma meydanda "Xetafe"ni 1:0 hesabı ilə məğlub edib.
