Idman.biz
İspaniyanın "Espanyol" klubu Kataloniya derbisinin təhlükəsizlik səbəbilə daha erkən - saat 18:15-ə keçirilməsi ilə bağlı La Liqaya müraciət edib.
İdman.Biz xəbər verir ki, La Liqa bu xahişi rədd edib və oyunun əvvəlcədən planlaşdırıldığı kimi saat 23:00-da keçirilməsində israr edib. Həmçinin görüşün mövsümün sonuna salınmasına razı olmayıb.
Təhlükəsizlik tədbirləri çərçivəsində "Espanyol" stadionunda qapıların arxasına qoruyucu torlar quraşdırılacaq. Bu addım klubun sabiq qapıçısı Joan Qarsiyanın derbidə rəqib komandanın heyətində meydana çıxacaq olması ilə əlaqələndirilir və azarkeşlərin ona hər hansı əşya atmasının qarşısını almaq məqsədi daşıyır.
Bundan əlavə, tribunaya "Barselona" simvolikası olan azarkeşlərin buraxılmayacağı bildirilib. Klub rəhbərliyi bunun mümkün insidentlərin qarşısını almaq üçün atılmış addım olduğunu açıqlayıb.
