Idman.biz
İspaniya La Liqasının 24-cü turunda "Rayo Valyekano" doğma meydanda Madrid təmsilçisi "Atletiko"nu 3:0 hesabı ilə məğlub edib.
İdman.Biz xəbər verir ki, hesab 40-cı dəqiqədə açılıb. "Rayo Valyekano"nun yarımmüdafiəçisi Fran Peres fərqlənib. Beş dəqiqə sonra Oskar Martin meydan sahiblərinin üstünlüyünü artırıb. 76-cı dəqiqədə isə müdafiəçi Nobel Mendi üçüncü qolu vuraraq yekun nəticəni müəyyənləşdirib.
Bu nəticədən sonra "Atletiko" 24 oyundan sonra 45 xalla dördüncü pillədə qalıb. "Rayo Valyekano" isə 23 matçdan 25 xal toplayaraq 16-cı sıraya yüksəlib və düşmə zonasını tərk edib.
Növbəti turda "Atletiko" fevralın 21-də öz meydanında "Espanyol"u qəbul edəcək. "Rayo Valyekano" isə eyni gün səfərdə "Betis"lə qarşılaşacaq.
19:19
İspaniyanın "Atletik" klubu La Liqanın 24-cü turunda səfərdə "Oviedo" üzərində əzmkar qələbə qazanıb.
İdman.Biz xəbər verir ki, görüş 2:1 hesabı ilə Bilbao təmsilçisinin xeyrinə başa çatıb. Ev sahibləri 30-cu dəqiqədə İlya Şayra ilə hesabı açıblar.
Fasilədən sonra "Atletik" oyunun gedişini dəyişməyi bacarıb. 58-ci dəqiqədə Mikel Xaureqisar bərabərlik qolunu vurub. 71-ci dəqiqədə isə Oyan Sanset penaltini dəqiq yerinə yetirərək komandasını önə keçirib.
Bu nəticədən sonra "Atletik" xalını 31-ə çatdıraraq turnir cədvəlində doqquzuncu pillədə qərarlaşıb. "Oviedo" isə 16 xalla sonuncu - 20-ci yerdə qalır.
