La Liqa: "Atletiko" "Rayo Valyekano"ya böyük hesabla uduzdu

İspaniya La Liqasının 24-cü turunda keçirilən "Malyorka" - "Betis" oyunu qonaqların 2:1 hesablı qələbəsi ilə yekunlaşıb.

İdman.Biz xəbər verir ki, hesabı 18-ci dəqiqədə "Betis"in hücumçusu Abde Ezzalzuli açıb. Birinci hissəyə əlavə olunan vaxtda Sedrik Bakambu üstünlüyü iki topa çatdırıb. 66-cı dəqiqədə Vedat Muriki fərqi azaldıb. Bu qol hücumçu üçün La Liqada 50-ci olub. Qalan vaxtda tərəflər hesabı dəyişə bilməyiblər.

24 turdan sonra "Betis" 41 xalla turnir cədvəlində beşinci pillədədir. "Malyorka" isə 24 xalla 18-ci sırada qərarlaşıb.

Növbəti turda "Betis" fevralın 21-də öz meydanında "Rayo Valyekano"nu qəbul edəcək. "Malyorka" isə bir gün sonra səfərdə "Selta" ilə qarşılaşacaq.

23:41

"Valensiya" İspaniya La Liqasının 24-cü turunda səfərdə "Levante"yə qalib gəlib - 2:0.

İdman.Biz xəbər verir ki, qonaqlara qələbəni Lardji Ramazani (64-cü dəqiqə) və Umar Sadik (84-cü dəqiqə) gətiriblər.

"Valensiya" 26 xalla La Liqada 14-cü pilləyə yüksəlib. "Levante" isə 18 xalla turnir cədvəlində 19-cu yerdə qalır.

21:42

İspaniya Kubokunun yarımfinalının ilk oyununda "Barselona"nı darmadağın edən "Atletiko" İspaniya La Liqasının 24-cü turunda "Rayo Valyekano"ya 3:0 hesabı ilə məğlub olub.

İdman.Biz xəbər verir ki, hesab 40-cı dəqiqədə açılıb. "Rayo Valyekano"nun yarımmüdafiəçisi Fran Peres fərqlənib. Beş dəqiqə sonra Oskar Martin meydan sahiblərinin üstünlüyünü artırıb. 76-cı dəqiqədə isə müdafiəçi Nobel Mendi üçüncü qolu vuraraq yekun nəticəni müəyyənləşdirib.

Bu nəticədən sonra "Atletiko" 24 oyundan sonra 45 xalla dördüncü pillədə qalıb. "Rayo Valyekano" isə 23 matçdan 25 xal toplayaraq 17-ci sıradadır.

Növbəti turda "Atletiko" fevralın 21-də öz meydanında "Espanyol"u qəbul edəcək. "Rayo Valyekano" isə eyni gün səfərdə "Betis"lə qarşılaşacaq.

19:19

İspaniyanın "Atletik" klubu La Liqanın 24-cü turunda səfərdə "Oviedo" üzərində əzmkar qələbə qazanıb.

İdman.Biz xəbər verir ki, görüş 2:1 hesabı ilə Bilbao təmsilçisinin xeyrinə başa çatıb. Ev sahibləri 30-cu dəqiqədə İlya Şayra ilə hesabı açıblar.

Fasilədən sonra "Atletik" oyunun gedişini dəyişməyi bacarıb. 58-ci dəqiqədə Mikel Xaureqisar bərabərlik qolunu vurub. 71-ci dəqiqədə isə Oyan Sanset penaltini dəqiq yerinə yetirərək komandasını önə keçirib.

Bu nəticədən sonra "Atletik" xalını 31-ə çatdıraraq turnir cədvəlində doqquzuncu pillədə qərarlaşıb. "Oviedo" isə 16 xalla sonuncu - 20-ci yerdə qalır.