Idman.biz
Futbol üzrə İspaniya La Liqasında 2025-ci ilin son oyunları keçiriləcək.
İdman.Biz xəbər verir ki, İspaniya çempionatının 17-ci turu dörd günə yayılıb, həftəsonunun əsas hadisələri isə "Santyaqo Bernabeu" və "Estadio de la Seramika" stadionlarında baş tutacaq.
"Real"(Madrid) - "Sevilya" (20 dekabr)
Madriddə Xabi Alonso komandası 2025-ci ildə çempionat çərçivəsində son oyununa çıxacaq. Paytaxt təmsilçisi hazırda 39 xalla ikinci pillədə qərarlaşıb və lider "Barselona"dan dörd xal geri qalır. "Sevilya" isə 20 xalla doqquzuncu yerdədir və turnir cədvəlinin yuxarı yarısında möhkəmlənməyə çalışır.
Ev sahiblərinin ətrafında fon hələ də gərgin olaraq qalır. Alonso ili müsbət notlarla başa vurmağın vacibliyini açıq şəkildə vurğulayır. Ayrı bir mövzu isə Vinisiusun uzanan qolsuz seriyasıdır. Braziliyalı futbolçu son matçlarda daha çox assistlər və oyun epizodları ilə diqqət çəkir, nəinki vurduğu qollarla.
"Real"da kadr vəziyyəti ağır dövrdən sonra tədricən yaxşılaşır. Kamavinqa, Alaba və Mendi ümumi məşqlərə qayıdıblar və onların hazır olub-olmaması ilə bağlı qərar yekun qiymətləndirmədən sonra veriləcək. Bununla yanaşı, madridlilərdə diskvalifikasiyalar və zədələr səbəbindən, xüsusilə də müdafiə xəttində itkilər qalmaqdadır.
"Vilyarreal" - "Barselona" (21 dekabr)
Turun ikinci əsas qarşılaşması Vilyarrealda keçiriləcək. Eyniadlı klub çempionatın lideri "Barselona"nı qəbul edəcək. Kataloniya təmsilçisinin hesabında 43 xal var, üçüncü pillədə qərarlaşan meydan sahibləri isə 35 xal toplayıblar.
"Barselona" hələ də kadr problemləri ilə üzləşir. Xüsusilə Dani Olmo zədədən sonra bərpa prosesini davam etdirir, Qavi ilə bağlı isə qeyri-müəyyənlik qalmaqdadır. Bundan əlavə, müdafiəçi Ronald Arauxo şəxsi səbəblərlə məzuniyyətə göndərilib.
"Vilyarreal" üçün həftənin əsas vurğusu liderə qarşı ilin son ev oyununa maksimum hazır olmaqdır. Klub daxilində bu qarşılaşma 2025-ci ilin bağlanışının əsas afişası kimi dəyərləndirilir. Hücum və yarımmüdafiə xəttində bir neçə vacib futbolçunun məşq prosesinə qayıtması ev sahiblərinin nikbinliyini artırır.
La Liqanın 17-ci turunun digər oyunları
19 dekabr
"Valensiya" – "Malyorka" 1:1
20 dekabr
"Ovyedo" – "Selta"
"Levante" – "Real Sosyedad"
"Osasuna" – "Alaves"
21 dekabr
"Jirona" – "Atletiko"
"Elçe" – "Rayo Valyekano"
"Betis" – "Xetafe"
22 dekabr
"Atletik" – "Espanyol"
Hazırkı La Liqa turnir cədvəli
"Barselona" – 43
"Real"(Madrid) – 39
"Vilyarreal" – 35
"Atletiko" – 34
"Espanyol" – 30
"Betis" – 25
"Atletik" – 23
"Selta" – 22
"Sevilya" – 20
"Xetafe" – 20
"Elçe" – 19
"Alaves" – 18
"Rayo Valyekano" – 18
"Malyorka" – 18
"Real Sosyedad" – 16
"Valensiya" – 16
"Osasuna" – 15
"Jirona" – 15
"Ovyedo" – 10
"Levante" – 9
Teymur Tuşiyev
