Idman.biz
24 yaşlı gürcü hücumçu Xviça Kvaratsxeliya "Napoli"yə keçməzdən əvvəl Fransanın "Nitsa" klubuna transfer oluna bilərmiş.
İdman.Biz bu barədə "L'Équipe" qəzetinə istinadən bildirir.
Danışıqlar 2021/2022 mövsümünün ortalarında, oyunçu "Rubin Kazan"da oynayarkən aparılıb.
"Nitsa" rəhbərliyi yarımmüdafiəçinin Rusiya Premyer Liqasındakı çıxışından təsirlənib və müqavilə bağlamağa hazır idi. Lakin klub inzibati çətinliklərlə üzləşib. Oyunçunun agentinin danışıqlar aparmaq üçün Fransada lazımi qeydiyyatı yox imiş və onun transfer tələbləri çox yüksək olub.
Nəticədə Kvaratsxeliya "Rubin"dən ayrılıb və "Dinamo Batumi"də qısa müddət oynadıqdan sonra "Napoli" ilə müqavilə imzalayıb. Hücumçu 2025-ci ilin yanvar ayından bəri PSJ-də oynayır.
