İdman.biz
"Barselona" İtaliya A seriyasının lideri "Napoli"nin cinah oyunçusu Xviça Kvaratsxeliyanın transferini ən mümkün variant kimi nəzərdən keçirir.
İdman.biz xəbər verir ki, bu barədə Kataloniya bölgəsinin Sport.es saytı məlumat yayıb.
Mənbənin sözlərinə görə, "Barsa"nın rəhbərliyi komandada sol vinger mövqeyini gücləndirməyi zəruri hesab edir. İspaniya La Liqasının lideri "Milan"ın futbolçusu Rafael Leaonun namizədliyini nəzərdən keçirsə də, gürcü futbolçunun transferi daha məqsədəuyğun hesab olunub.
Qeyd edək ki, Kvaratsxeliya 2022-ci ilin iyulundan "Napoli"də çıxış edir. Onun klubla hazırkı müqaviləsi 2027-ci il iyunun sonuna kimidir. Bu mövsüm 23 yaşlı futbolçu 16 matçda iştirak edib, 5 qol vurub və 3 məhsuldar ötürmə edib.
İdman.biz
