İdman.biz
"Real"ın qapıçısı Tibo Kurtua Belçika yığmasına dönməkdən imtina edib.
İdman.biz xəbər verir ki, Belçika Futbol Federasiyasının idman direktoru Peter Villems Madriddə qolkiperlə görüşüb.
Görüş zamanı Kurtua növbəti dəfə ölkə millisinin qapısını qorumaq niyyətində olmadığını bildirib. Komandanın baş məşqçisi Dominik Tedesko da bunu təsdiq edib və yığmanın qapılarının Tibonun üzünə açıq olduğunu deyib.
Qeyd edək ki, ötən ilin iyununda Estoniya ilə oyun ərəfəsində Kurtua ilə Tedesko arasında anlaşılmazlıq olmuşdu və qapıçı yığmanın düşərgəsini tərk etmişdi. O, bir daha almaniyalı mütəxəssisin rəhbərliyi ilə oynamayacağını bildirmişdi.
İdman.biz
