Sport24.az
"Real"ın qapıçısı Tibo Kurtua Çempionlar Liqasının 1/4 final mərhələsinin ilk oyunları çərçivəsində "Arsenal"a məğlubiyyətdən (0:3) danışıb. Sport24.az xəbər verir ki, qolkiper öz komandasının oyunundan narazı qaldığını etiraf edib:
"Düşünürəm ki, "Arsenal" evdə çox güclü oynayır. Onlar yaxşı pressinq edirlər. İlk hissədə yaxşı müqavimət göstərdik, əks-hücumlarda təhlükə yaratdıq. İkinci hissədə isə sadəcə futbol oynamağı unutduq.
Panikaya düşdüyümüzü deməzdim, amma topla olanda narahat idik. Onlar 3 qol vurdular. Biz isə reaksiya vermədik.
0:3 geri düşmək çətindir. Amma bilirik ki, azarkeşlərimizin dəstəyi ilə evdə daha güclü olacağıq. Azarkeşlərimiz komandamıza inanmalıdırlar. Cavab oyununda sərfəli nəticə üçün ilk dəqiqədən əlimizdən gələn hər şeyi edəcəyik. Səhvlərimizi düzəltməli və qollar vurmağa çalışmalıyıq. Məncə, bu mümkündür".
Qeyd edək ki, "Real" - "Arsenal" cavab oyunu aprelin 16-da Madriddə keçiriləcək.
