Sport24.az
Misli Premyer Liqasının III turunun "Neftçi" – "Turan Tovuz" oyunundan (0:1) sonra qonaq komandanın baş məşqçisi Kurban Berdıyev jurnalistlərin suallarını cavablandırıb. Sport24.az xəbər verir ki, mütəxəssis əvvəlcə görüşlə bağlı fikirlərini bölüşüb:
– Çətin oyun oldu. Qələbəyə görə sevinirəm. "Neftçi" bu mövsüm daha yaxşı formalaşıb.
– Sərgilənilən oyundan nə dərəcə razısınız?
– Bəzi məqamlarda biz, bəzilərində "Neftçi" yaxşı oynadı. Rəqib azlıqda qalandan sonra hesabı qorumaq istəyimiz səhvlərə gətirib çıxardı.
– Vadjinin oyunundan nə dərəcə razı qaldınız?
– Yavaş-yavaş artırır. Toplanışda iştirak etməmişdi. Bu gün oyuna pis qoşulmadı. Bəzi epizodlarda hücumları daha iti edə bilərdi.
– Çempionluğa oynamaq üçün daha neçə oyunçuya ehtiyac var?
– Mövsüm yeni başlayıb. İstədiyi kimi oynayan komanda yoxdur. Bir neçə transfer planımız var. Mövqeləri haqda danışmayacağam.
– Komandanın "vuran ayaq" problemi var. Qollarınızı yarımmüdafiəçi Robert Olabe vurur…
– İstənilən halda, bu məsələ üzərində iş gedir.
