Idman.biz
Hazırda Azərbaycanın "Turan Tovuz" klubunu çalışdıran Kurban Berdıyev "Spartak"ın baş məşqçisi postuna namizəddir.
İdman.Biz-in məlumatına görə, Rusiya millisinin sabiq futbolçusu İvan Novoseltsev bildirib ki, Moskvanın "Spartak" klubu Deyan Stankoviçi qovmalı və hazırda Azərbaycanın "Turan Tovuz" klubunu uğurla idarə edən Kurban Berdyevi baş məşqçi vəzifəsinə dəvət etməlidir.
Novoseltsev vurğulayıb ki, Berdiyev böyük təcrübəyə malikdir və komandanı yeni səviyyəyə qaldırmağa qadirdir.
"Vaxtilə Berdıyev "Spartak"a rəhbərlik edə bilərdi. İnanıram ki, indi də o dəvət olunsa, bu, çox yaxşı qərar olar. Qurban Bekiyeviçin böyük təcrübəsi var və o, nailiyyətləri ilə nəticə əldə edə biləcəyini nümayiş etdirdi", - Novoseltsev deyib.
Kurban Berdıyev "Rubin"lə iki dəfə (2008, 2009) Rusiya çempionu olub və hazırda onun rəhbərliyi altında 7 turdan 15 xal toplayan "Turan Tovuz"la Azərbaycan çempionatına başçılıq edir.
