İdman.biz
"Qələbədən çox məmnun qaldım. Oyunun yaxşı və pis hissələri var idi".
İdman.biz xəbər verir ki, bunu "Turan Tovuz"un baş məşqçisi Kurban Berdıyev deyib.
Rusiyalı məşqçi Azərbaycan Premyer Liqasının III turunda "Kəpəz" üzərində qazanılan böyükhesablı qələbəni şərh edib. O, komandanın müsbət və mənfi tərəfləri barədə də fikir bildirib: "Hələ çox çalışmalıyıq. Futbolçularımı təbrik edirəm. Hər şeydən əvvəl psixoloji baxımdan narazı qaldım. Hesab 2:0 olandan sonra futbolçular rahat oynamağa başladılar. Buna görə deyirəm ki, üzərində işləməli olduğumuz məqamlar var. Müzakirələr zamanı oyunçulara səhvlərini göstəririk. Bu səhvlərin üzərində işləməliyik".
Qeyd edək ki, 3 turdan sonra 7 xal toplayan "Turan Tovuz" 1-ci pilləyə yüksəlib.
İdman.biz
