Sport24.az
"Turan Tovuz" çempionatının 4-cü turunda səfərdə "Qarabağ"ı 1:0 hesabı ilə məğlub edib. Sport24.az xəbər verir ki, qərb bölgəsi təmsilçisinin baş məşqçisi Kurban Berdıyev oyundan sonra keçirilən mətbuat konfransında fikirlərini bildirib:
"Qısa ifadə etməli olsam, uşaqlara bu canfəşanlığa, oyuna, nizam-intizama görə təşəkkür edirəm. "Qarabağ"a "Dinamo" ilə matçda uğurlar arzulayıram. İnanıram ki, onlar mərhələni keçməyi bacaracaq. Nəticədən razı qalmamaq mümkün deyil. "Qarabağ" çox güclü rəqibdir, Azərbaycan futbolunun "flaqman"ı sayılır".
Qeyd edək ki, Tovuz təmsilçisi 4 turdan sonra yoluna məğlubiyyətsiz davam edir və ölkə çempionatının lideridir.
